「成事不足，敗事有餘」，用呢八個字去形容「青年新政」兩個人形物體可謂合適不過。立法會主席梁君彥已經裁定佢兩個今日唔可以宣誓，點知佢兩個喺非建制派議員包庇下，今朝再次硬闖立法會會議廳，仲對住空氣讀出誓詞，話咁樣叫宣咗誓，真係天真到冇朋友。當然，佢兩個嘅如意算盤最終梗係打唔響啦，不過呢兩個人形物體仍然死不悔改，出嚟回應記者問題時仲滿口歪理！
游蕙禎乜都屈特首
游蕙禎接受訪問時，反覆將責任推晒落特首梁振英身上；司法覆核啦、「釋法」啦，乜都同梁振英想爭取連任有關架。游小姐，到底你係「詐傻」定「扮懵」？如果你真心覺得搞「港獨」會令梁振英連任，咁你唔好搞咪得囉？
自己做壞事就諉過於人，家陣係梁振英叫你班人搞旺角暴動架？有人逼你哋犯法架？係梁振英叫你班人宣揚「偽自決、真港獨」架？乜又係梁振英叫你兩個宣誓時辱華、侮辱二千萬死難同胞架？唔係囉！根據你哋邏輯，如果梁振英真係連任，咁咪要多謝「青年新政」兩個最佳助選團囉？你兩個咁「配合」喎！
梁頌恆死唔認錯
另一個成員梁頌恆其實亦不遑多讓，佢受訪時話喎，梁君彥唔畀佢宣誓，人大又「釋法」，不如第時唔好選立法會，直接由人大委任就得喎。梁頌恆，你咁講就錯到極喇，到底你知唔知選舉最重要係乜？咪就係依法辦事之嘛。
你老哥係根據「法例」選出嚟嘅立法會選舉當選人，你同你班選民，都係「依法」先可以成為選民同投票畀你，點知你自己去到宣誓時，突然拒絕跟法律去做，刻意「拒絕」或者係「忽略」宣誓，你自己問心，真係對得住你班選民？家陣係你兩個自己剝奪自己議席咋，唔關人事架！
成事不足 敗事有餘
講真，囍雨真係認為「青年新政」兩個人形物體真係非常低能。口中話要爭取自由同民主，但佢兩個而家所做嘅，根本就同世界脫節，唔單止幫唔到香港爭取更寬鬆嘅普選制度，更加唔會幫到國家繼續進步囉！
「青年新政」認為，爭取民主就要侮辱中國十三億人、要侮辱二千萬二次大戰死難同胞；佢兩個用「支那」呢個詞去爭取民主，代表佢兩個認為中國人係「豬、垃圾、奴隸」，可以任意畀人「搶、殺、姦」，思想咁偏激，唔通以咁樣就可以得到大家認同？
話佢兩個「成事不足、敗事有餘」唔係亂吹，絕大部份香港人就算唔LIKE中央政府，都肯定唔想國家分裂。呢個係國家嘅底線、亦係香港人底線，連呢條底線都唔識尊重，你憑咩話自己代表港人為香港爭民主呀？算把啦！■
Be the first to comment